Qarku i Beratit ishte dhe qarku me surprizat më të mëdha, ku qytetarët i siguruan PS-së 5 mandate, PD mori 2 mandate, ndërsa LSI u zhduk nga ky qark duke humbur edhe 2 mandatet e siguruara në 2017.
Në këtë qark janë numëruar deri tani 113 qendra votimi nga 277 qendra në total. Në listën e PS më të votuarit janë Blendi Klosi me 6418 vota dhe Nasip Naço me 2588 vota preferencial. Edhe Bardhyl Kollçaku ka marrë vota të larta duke mbledhur 2511 deri tani. LSI pësoi humbjen më të thellë në Berat, qarku ku kishte shpresat më të larta. Largimi i Nasip Naços nga kjo parti dhe bashkimi me PS largoi edhe votuesit më të mëdhenj të LSI-së, ndërsa votat e Naços i siguruan një mandat më shumë PS në këto zgjedhje edhe pse me një diferencë të gushtë.
Ndërsa PD mundi të sigurojë vetëm 2 mandate, ku më i votuari është Bujar Hoxhaj me 2697 vota ndjekur nga Tomorr Alizoti me 1669 vota.
Pa asnjë mandat të fituar, më i votuari në listën e LSI është Blenard Nonaj me 2024 vota i ndjekur nga Ardit Çela me 616 vota preferenciale deri tani.
