Partia Socialiste pati një rezultat surprizë, ku në kutitë e fundit rrëmbeu mandatin e pestë, duke ia hequr nga duart Lëvizjes Socialiste për Integrim.
LSI tashmë nuk do të ketë mandat dhe duke bërë që Berat që njihet si zona ku kishte më tepër ndikim, pasi edhe presidenti Meta është nga ky qark, zona e Skraparit. Ky rezultat i thellë, shkon edhe për faktin se PS-së iu bashkuan një pjesë e ish-deputetëve të LSI-së, Nasip Naço dhe Gledion Rahovica.
“Falendeeroj të gjithë miqtë, mbështetësit dhe simpatizantët për fitoren spektakolare në Qarkun e Beratit. Sot i ktheva borxhin Partisë Socialiste”, shkruan Naço në Facebook.
Ndërsa në një prononcim për Top Channel, Naço ka ironizuar presidentin Meta, duke i kërkuar që ai ta mbajë fjalën, për të dhënë dorëheqjen si president i vendit. “Shpresoj ta mbajë fjalën fjalën, meqë ai është burrë që e mban fjalën”, theksoi Naço.
