Kryesuesi i listës së PD në Dibër Xhelal Mziu thirret në prokurorinë e qarkut për të dëshmuar pas kërcënimeve për vrasje, se të gjithë të dyshuarit për blerje votash do ta pësojnë si i ndjeri Pjerin Xhuvani që u vra nga shoqëruesi i Gamend Bardhit, Arbër Paplekaj, ky i fundit pjesë e strukturës së armatosur të Partisë Demokratike e ngritur me pretendimin për të “mbrojtur votën”.
Ka qenë vetë Mziu ai që e ka pohuar për Report TV se është thirrur nga prokuroria për të dëshmuar. Duke qenë se kërkoi ndjesë menjëherë për këtë deklaratë ai po hetohet në gjendje të lirë.
