Dy anëtarët e Komisionit për Marrëdhëniet me Jashtë në Senatin Amerikan me anë të një deklarate të përbashkët kanë bërë thirrje shqiptarët të dalin dhe të votojnë në zgjedhjet e 25 prillit.
Jim Risch i Partisë Republikane dhe dhe Bob Mendendez në deklaratën e tyre shprehen se i nxisin autoritet të sigurojnë që votuesit të jenë në gjendje të ushtrojnë drejtën e votimit të lirë nga frikësimi dhe dhuna, ndërsa i bëjnë apel kandidatëve që të jenë më të vetë përmbajtur dhe të veprojnë sipas normave demokratike.
“Ndërsa Shqipëria përgatitet për zgjedhjet kombëtare në 25 Prill, ne inkurajojmë popullin shqiptar të votojë. Ne i nxisim autoritetet të sigurojnë që votuesit të jenë në gjendje të ushtrojnë këtë të drejtë themelore të lirë nga frikësimi dhe dhuna. Ne gjithashtu presim që të gjithë kandidatët të veprojnë në përputhje me rregullat demokratike edhe kur bëjnë fushatë të fuqishme. Miqtë e Shqipërisë në Amerikë janë më të përkushtuar se kurrë për të mbështetur një të ardhme demokratike dhe të prosperuar për popullin shqiptar”, thuhet në deklaratën e tyre.
