Kryeministri Edi Rama foli me tone të ashpra sot në adresë të Presidentit Ilir Meta.
Ai u kërkoi shqiptarëve ta çojnë në shtëpi Ilir Metën në 25 Prill. Rama shtoi se problemi më i madh nuk është Lulzim Basha.
Shefi i mazhorancës u shpreh se kush e voton Ilir Metën, turpëron familjen e tij.
“Pavarësisht se ka shumë shtëpi, Lulit ia gjejmë një shtëpi tjetër. Kini parasysh që nuk është Luli, se me Lulin rregullohemi dhe ia gjejmë një vend për të fjetur. Problemi është gjetkë.
Të mendosh sot për fëmijët, është të mendosh edhe për vajzën e Ilir Metës. E cila thotë ‘babi mos pi, ktheu në shtëpi’.
E pra në 25 Prill çoni në shtëpi ilir Metën. Është turpi ynë, turpi i të gjithë popullit shqiptar. Kush e voton, turpëron të gjallë e të vdekur, turpëron shtëpinë e tij” – tha Rama në sheshin ‘Skënderbej’.
