Sekretari i PS-së për median, Alfred Peza i ftuar mbrëmjen e sotme në “Open” dha opinionin e tij se përse presidenti Meta shkon në Vlorë dhe ka një përplasje me kryeministrin Edi Rama.
Ai theksoi se atje Meta shkon për LSI-në dhe se atje mandati i deputetit mund të arrihet me 8 mijë vota për shkak të numrit të popullsisë.
“Presidenti nuk mund të shkojë pa protokoll dhe eskortë në takime elektorale. Pse shkon presidenti në Vlorë, se mandati i deputetit mund të arrihet me 8 mijë vota, kjo e bën në funksion të LSI duke dashur të përsërisë mandatin e 2017-ës.
Por ka deputetë që nuk janë më me LSI. Dashamir Tahiri është me Jozefina Topallin tani. Rezultati do të jetë që LSI 9 dhe PD 3”, tha Peza.
