Ministrja Belinda Balluku në pritje të 100 mijë vaksinave në Rinas tha se ato erdhën me vonesë për shkak të tentativave çmendurake.
“Falë përpjekjeve të qeverisë erdhi sinovac në Shqipëri, vaksinat erdhën 1 ditë me vonesë për shkak të çmendurive. Sot është ditë e mirë si gjithmonë kur vijnë vaksinat është një ditë e veçantë. Vaksinat arritën të ulen pas vështirësive që kishim dje. Sot arritëm të krijojmë të gjitha kushtet për të bërë ulje ngritje vetëm për fluturimet esenciale. Ky është një fluturim i rëndësishëm me 100 mijë vaksina të tjera”, tha ajo.
