Dy sherre në pak minuta kanë ndodhur pasditen e sotme në tiranë.
Policia bën me dije se në orën 18:50 në zonën e ish-Stacionit të Trenit, disa persona të paidentifikuar kanë goditur me thikë E.K pas një konflikti të çastit. I plagosuri është dërguar me urgjencë drejt spitalit, ku ndodhet nën kujdesin e mjekëve.
Ndërkohë në orën 19:15 në bulevardin “Migjeni” disa persona të paidentifikuar kanë goditur me grushta B.K dhe më pas janë larguar me shpejtësi. Policia po punon për kapjen e autorëve të të dyja ngjarjeve.
Njoftimi i Policisë:
Rreth orës 18:50, tek Ish Stacioni i Trenit, në afërsi të një lokali, persona ende të paidentifikuar pas një konflikti të çastit për motive të dobëta, kanë goditur me mjet prerës (thikë) shtetasin E. K., i cili ndodhet në spital, nën kujdesin e mjekëve.
Rreth orës 19:15, në bulevardin “Migjeni”, persona ende të paidentifikuar kanë goditur me grushta shtetasin B. K., dhe më pas janë larguar me shpejtësi.
Grupi hetimor ndodhen në vendngjarje dhe vijojnë punën për sqarimin e rrethanave të ngjarje si dhe për identifikimin dhe kapjen e autorëve.
