“Donnarumma? Nuk kemi qenë kurrë në garë, nuk është një operacion që po e ndjekim”. Këto kanë qenë fjalët e thëna nga Beppe Marotta, administrator i deleguar i Juventus-it, para disa ditësh në lidhje me portierin e ri të Milan-it, i cili konsiderohet nga shumë si pasardhësi i Gianluigi Buffon te bardhezinjtë.
Por qershorin e kaluar ai kishte dhënë këtë përgjigje kur është pyetur për interesimin e Juventus për talentin e kuqezinjve: “Donnaruma? Juventus ka të drejtën të shfrytëzojë çdo mundësi që i paraqitet. Kur një lojtar është në merkaton ne kemi për detyrë të provojmë ta marrim”.
Nuk është “gënjeshtra” e parë e thënë nga Moratta në merkaton. Duke filluar nga ata futbollistë që në fund kanë veshur fanellën e “Zonjës”, mund të gjenden shumë precedentë.
Nga Pirlo te Tevez, nga Morata te Pjanic dhe Gonzalo Higuain, nuk janë të pakta rastet kur drejtuesi bardhezi ka mohuar interesimin e klubit dhe pak më vonë ka mbyllur operacionin. Më pas janë edhe gënjeshtrat e dhimbshme për tifozët. Nga blerja e munguar Julian Draxler dhe Axel Ëitsel, te largimi i paul Pogba drejt Manchester United në verën e 2016-ës.
20/02/2011
“Kur ka lojtarë me kontratën në skadencë, si Pirlo, është normale që klubet e mëdha të interesohen. Por nuk është e vërtetë se jemi takuar me menaxherët e tij”. 24 majin pasues Juventus zyrtarin marrëveshjen me Pirlo-n.
18/05/2013
“Tevez? Është një lojtarë që ka një dëshirë të madhe për revansh. Por është në pronësi të Manchester City-it, nuk kemi patur asnjë kontakt me ata”. 1 korrikun pasues Tevez është transferuar tek Juventus.
16/01/2014
“Morata? Besoj se është i paarritshëm, por nuk kemi folur me Real Madrid”. Morata ka veshur fanellën e Juventus më 19 korrikun pasues.
31/08/2015
“Juventus nuk ka negociaur kurrë për Draxler”. Pasi e ndoqën gjatë gjithë verës, bardhezinjtë e kanë parë gjermanin të transferohet te Wolfsburg.
04/05/2016
“Pogba na e ka kërkuar City vitin e kaluar, por kemi refuzuar. Bashkë me Dybala, ai është një nga më të kërkuarit. Nuk është në traditën e Juventus të shesë yjet e saj”. Atë verë, Pogba është transferuar tek Manchester United.
09/05/2016
“Lexoj shpesh në gazeta se Pjanic është afër, por në të vërtetë nuk kemi negociuar kurrë me Roma-n”. Më 1 korrikun pasardhës Pjanic është bërë një lojtar i Juventus-it.
18/07/2016
“Higuain? Është një çështje e mbyllur, për momentin. Nuk ka asnjë negociatë me Napoli-n”. 8 ditë më vonë klubi torinez ka zyrtarizuar blerjen e sulmuesit argjentinas.
07/09/2016
“Witsel ishte një mundësi që është krjuar dhe, pasi kemi marrë autorizimin e Zenit-it, kemi bërë vizitat mjekësore. Operacioni nuk është mbyllur sepse Zenit nuk ka arritur të blejë lojtarin që do të zëvendësonte Witsel dhe gjithçka është shtyrë për më vonë…”. Witsel nuk u transferua kurrë tek Juventus dhe nga janari i 2017-ës luan në Kinë, me Tianjin Quanjian.
05/01/2018
“Donnarumma? Nuk kemi qenë kurrë në garë për të, nuk është një operacion që po e ndjekim”. E vërtetë apo gënjeshtër?