Policia e Tiranës ka vënë në pranga një 30-vjeçar të akuzuar për përdhunimin e një të miture. Sipas informacioneve zyrtare, nga specialistët për Hetimin e Krimit në Komisariatin e Policisë Nr.1 u bë kapja dhe ndalimi i shtetasit T. D., 30 vjeç, pasi dyshohet se ka kryer marrëdhënie seksuale me dhunë me një shtetase të mitur.
Ndërkohë gazetarja Dorjana Bezat bëri të ditura për “BalkanWeb” detaje nga ngjarja e rëndë. Mësohet se minorenia 15 vjeçe ishte larguar nga banesa pas një debati në familje.
Gjatë këtyre orëve kishte njohur 30-vjeçarin i cili ishte ofruar për ta ndihmuar dhe më pas kreu marrëdhënie me të miturën me dhunë pa dëshirën e saj. Pas ngjarjes vajza është kthyer në shtëpi ka treguar ngjarjen. Menjëherë është bërë kallëzimi në polici dhe është kryer arrestimi i 30-vjeçarit.
