Rrjetet sociale kanë shpërndarë menjëherë një lajm të çuditshëm për presidentin amerikan Trump, sipas të cilit ai shpenzon 17 orë në ditë duke parë emision për gorillat. Por përgënjeshtrimi është bërë vetëm pas mijëra komentesh në rrjetet sociale.
Herë pas herë presidenti Trump sheh programe për gorillat 17 orë në ditë , kjo shprehje duhej të ishte vetëm një shaka. Por përdoruesit e rrjeteve sociale e besuan si të vërtetë.
Çdo gjë ndodhi në kohën kur Shtëpia e Bardhë vijonte të përgënjeshtronte librin “Fire and Fury: Brenda shtëpisë së bardhë të Trump”.
Një përdorues i Twitterit duke pretenduar se po citonte pjesë nga libri në fjalë, shkruante se natën e parë që Trump kaloi në shtëpinë e Bardhë po ankohej se në televizor nuk kishte asnjë kanal që fliste për gorillat.
Kjo pasi kreu i shtëpisë së bardhë mendonte se ekzistonte një kanal televiziv që transmetonte 24 orë program për gorillat. Për ta kënaqur stafi i Shtëpisë së Bardhë montoi një seri dokumentarësh për ta bërë të besonte se kishin gjetur kanalin në fjalë.
Por pasi pa me mijëra mesazhe dhe komente, autori i kësaj shakaje u detyrua të pranonte se kishte bërë shaka.
Por ndërkohë “gorilla channel” u bë fenomeni i tretë më i përhapur në Twitter në Shtetet e Bashkuara të Amerikës. Përgatiti:AlpeNews.al
