11 persona janë vënë në hetim nga pasi ka sulmuar, fyer dhe kërcënuar presidentin italian Sergio Mattarella, mes tyre edhe 2 shqiptarë. E gjithë kjo erdhi pasi kreu i vendit mori vaksinën anti-COVID.
“Le të marrim armët, të shkojmë ta vrasim atë bir…”, “Të uroj çdo të keqe”, “Uroj të afrohet varrimi yt”, ishin këto disa prej komenteve. Për këtë arsye, Prokuroria e Romës nisi hetimet, duke nisur nga blogeri, elektricisti e deri të kardiologët. Shqiptarët e vënë në hetim janë Arjan Karagjozi dhe Irena Salati, që tani duhet t’i përgjigjen akuzave për fyerje të nderit të Presidentit të Republikës, vepër penale kjo në Itali, e parashikuar nga artikulli 278 i Kodit Penal dhe që parashikon nga 1 deri në tre vite burg.
Ato janë shoqëruar në komisariat dhe i janë nënshtruar një kontrolli të kompjuterave, celularëve dhe profileve të tyre në rrjete sociale.
