Kryeministri Edi Rama ka komentuar mitingun e zhviluar nga kryetari i Partisë Demokratike në qytetin e Kavajës, ditën e sotme. I ftuar në “Real Story”, Rama tha se Basha kishte bërë një vatër Covid-i në Kavajë dhe nuk kishte respketuar asnjë rregull.
Ai e krahasoi me veten e tij, duke thënë se në Vlorë, kur shkoi për të prezantuar skuadrën, mori vetëm 10 kandidatë, ndërsa dy të tjerët, jo, për të respektuar rregullat.
Pjesë nga biseda:
Edi Rama: Kandidati yt për kryeministër kishte hipur në një kofano makine dhe kishte krijuar një vatër Covid, me dy gishta.
Robert Rakipllari: Gabim shumë ka bërë
Edi Rama: Në fakt, ata i mblidhi padurimi për të rrëzuar regjimin
Edi Rama: Unë sot në Vlorë, Vlora ka 12 deputetë dhe sot në prezantimin e skuadrës tonë në Vlorë, ne kishim 10 dhe dy të fundit nuk i kishim në tavolinë sepse zbatojmë rregullat.
Robert Rakipllari: Ata poshtë jush nuk i zbatojnë, ta dini….
