Një 16-vjeçar në Kosovë ka ndërruar jetë si pasojë e koronavriusit. Mediat kosovare bëjnë me dije se i mituri nga Vita, ishte shtruar prej 10 ditësh në spital, ndërsa vuante edhe nga sëmundje të tjera bashkëshoqëruese.
Drejtori i Spitalit Gjilanit, Nisret Hajrullahu tha se 16-vjeçari ka qenë në gjendje të rëndë shëndetësore që kur u shtrua fillimisht në spital.
“Pacienti erdhi para 10 ditësh në spital. Ai ka pasur edhe sëmundje tjera shoqëruese. Pra gjendja e tij ka qenë e rëndë që në fillim. Ndërsa COVID-19 e ka përkeqësuar më shumë gjendjen e tij”, ka deklaruar ai.
