Balenciaga u shpall brandi më influencues i vitit 2017 dhe me të drejtë. Krijimet e tyre fiksuan botën mbarë. Sidomos këto altetet çorape të quajtura Balenciaga Speed Trainer që i veshën ca dhe i kërkuan plot të tjerë:
Në sajtin zyrtar u shitën të gjitha modelet e zeza me shuall të bardhë dhe tekstin Balenciaga.
Momentalisht mund të gjeni versionet e mëposhtme dhe versione të tjera me qafë më të shkurtër dhe tjetër material.
Por prap s’janë ato që na duhen. Vetements bashkëpunoi me Reebok dhe solli një model të ngjashëm me atë të atletes çorape të Balenciaga-s dhe është vërtetë impresionues.
Versioni i Vetements x Rebook ka shuall të ndërprerë, vjen vetëm në ngjyrë të bardhë dhe ka çorape më të lartë.
Kushton 512 paund britanikë (694 dollarë) dhe për momentin mund të blihet vetëm në sajtin Matches Fashion.
Në nëntor të vitit të shkuar, kur fiksimi me atletet Balenciaga arriti majat, çmimi i tyre kapte vlerën 795 dollarë. Ndërsa tani që janë shitur të gjitha kushtojnë diku tek 550 dollarë.
Versioni i Vetements është pak më i shtrenjtë, por edhe më i veçantë. Nëse vërtetë i doni, tregohuni të shpejtë se s’e kanë të gjatë./anabel
