Një sasi e madhe kanabisi, prej rreth 1 ton, është zbuluar mesditën e sotme në Skrapar. Mësohet se janë gjetur 697 kg kanabis në një zonë të pyllëzuar.
Në bazë të informacioneve të marra në rrugë operative nga Specialistet per Hetimin e Narkotikeve ne Drejtorine Vendore te Policise Berat eshte ushtruar kontroll në vendin e quajtur “Qafa e Qershisë” në fshatin Ujanik, Skrapar ku u gjet e fshehur lëndë narkotike. Në një zonë të pyllëzuar në dy vende të ndryshme u zbulua 697 kg kanabis, e futur ne thase.
Pas veprimeve hetimore u arrestua shtetasi Hekuran Musabelliu, i dyshuar si posedues i saj. Materialet i kaluan Prokurorisë së Rrethit Gjyqesor Berat për veprën penale “Prodhim dhe shitje të lëndëve narkotike”, parashikuar nga neni 283/1 i Kodit Penal.
