Shtyhet përsëri afati i bllokimit të Pikës së Kalimit Kufitar në Kapshticë, si pasojë e situatës së COVID.
Burime jo zyrtare bëjnë me dije se shtyrja e afatit do të jetë deri në datën 22.03.2021. Dalja nga territori i shtetit shqiptar dhe hyrja drejt Greqisë nëpërmjet kësaj pike kalimi,do të jetë e mbyllur.
Ndërsa dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, vetëm për këmbësorët dhe mjetet e tonazhit të rëndë (kamiona mallrash).
Mjetet si autobusa, taksi, apo çdo mjet tjetër i transportit të pasagjerëve, nuk do të lejohet të kalojë. Ndërkohë pritet edhe një komunikatë zyrtare në lidhje me këtë njoftim.
