Greqia ashpërson masat për kalimin e shtetasve shqiptarë drejt vendit fqinj. Këto masa përfshijnë numrin e kufizuar të shtetasve që kalojnë kufirin, orarin dhe aplikimin e karantinës.
Mësohet se të gjithë ata persona që do të kalojnë drejt Greqisë nga Pika Kufitare e Kakavijës duhet të zbatojnë një karantinë jo më 7 ditore, por 14 ditore. Gjithashtu, orari i lëvizjez kufizohet në 12 orë.
Pra, udhëtarët do lejohen të kalojnë vetëm nga ora 07.00 deri në orën 19.00. Sakaq, pala greke ka vendosur dhe një numër të kufizuar të udhëtarëve. Tashmë, 400 shtetas shqiptarë do mund të shkojnë në vednin fqinj brenda orarit të caktuar.
Pritet që pala greke të komunikojë të hënën, në datë 1 mars, masat e reja të sipërpërmendura dhe afatin e aplikimit të tyre. Kujtojmë se, për shkak të rritjes së rasteve me Covid-19, autoritetet në Greqi kanë shtrënguar masat dhe për qytetarët e tyre.