Zbardhet skema se si është ekzekutuar Behar Sofia. “Report Tv” mëson se 65-vjeçari ka qenë duke lëvizur në këmbë në momentin kur në drejtim të tij është qëlluar me dy plumba nga një pistoletë me silenciator.
Atentatorët kanë qenë në lëvizje me një automjet me drejtim “Rrugën e Elbasanit”. Kanë qëlluar dy herë dhe janë larguar.
Një tjetër person dyshohet të ketë kontrolluar lëvizjet e 65-vjeçarit që në momentet që ka dalë nga shtëpia dhe ka lëvizur në drejtim të zonës ku ka ndodhur vrasja.
Në afërsi të zonës ku ka ndodhur ekzekutimi nuk ka asnjë kamera sigurie për filmimin e momentit të vrasjes, pasi nuk ka biznese në afërsi.
Por, policia ka sekuestruar shumë pamje të kamerave më larg vendit të ngjarjes për gjurmimin e mjetit.
