Pandemia e koronavirusit ka sjellë edhe probleme të shëndetit mendor.
Në Shqipëri, që prej Marsit të 2020, 46 mijë persona kanë zhvilluar seanca dëgjimore me ekspertët për problematika të shëndetit mendor.
Në një intervistë për Klan Tv, psikiatrja Arjana Reli tha se ata që nuk janë infektuar ende, kanë dhe nivelin më të lartë të ankthit, i cili rritet pas çdo kontakti me një të infektuar.
“Fillon problematika me ndryshime të gjumit, të oreksit me luhatje të gjendjes fizike që më së shumti imiton një infektim të mundshëm dhe kjo i tmerron akoma më tepër duke bërë që pikërisht ta predisopozojnë veten padashje drejt një infektimi të mundshëm
Ankthi çon në atakun e panikut dhe ataku i panikut ndikon dhe në sistemin e frymëmarrjes dhe nga studime ka dalë që personat që vuajnë atakun e panikut normalisht ulin nivelin e e oksigjenimit. Kështu që në një infektim që kemi prekje të mushkërisë, pamundësia për të mos oksigjenuar mirë edhe me anë të sistemit nervor mushkërinë ul kapacitetin vital dhe mund të çojë në vdekje për shkak të këtij mekanizmi”,- tha Reli.
