Shkencëtarët kanë nisur punën për zhvillimin e një sërë vaksinash të grupit të dytë të Covid, të cilat synojnë zgjerimin e mbrojtjes ndaj këtij virusi.
Ata kanë si qëllim që të sigurojnë mbrojtje edhe kundër varianteve të reja të virusit, ndërsa shkencëtarë të tjerë po studiojnë vaksinat që do të gjenerojnë një bllokim të transmetimit të Covid-19.
Aktualisht, vaksinat Covid janë krijuar për të ndaluar që njerëzit e infektuar të sëmuren rëndë, për të parandaluar shtrimet në spital dhe vdekjet. Ende nuk dihet se sa të efektshëm janë ata në bllokimin e transmetimit të viruseve nga një person të tjetri.
“Nuk ka asnjë tregues që ndonjë nga variantet e reja të virusit që janë shfaqur kohët e fundit, po shkaktojnë sëmundje më të rëndë sesa virusi origjinal”, tha profesori Jonathan Ball, një virolog në Universitetin e Nottingham.
“Ka prova që disa nga variantet e reja mund të përhapen më së shumti në popullata që kanë imunitetet të pjesshëm”, shtoi ai.
Gjithashtu Ball tha se shpreson që provat klinike të vaksinës të nisin shumë shpejt.
