Një aksident ka ndodhur pasditen e sotme (10 shkurt) në Sarandë.
Ngjarja ka ndodhur në hyrje të qytetit të Sarandës ku një makinë ka pëplasur një kalimtare.
Si pasojë, ajo ka mbetur e plagosur dhe është dërguar në spital për ndihmë mjekësore.
“Rreth orës 19:12, në lagjen Nr.1, Sarandë, një automjet, me drejtues shtetasin K.B., 24 vjeç, ka aksidentuar këmbësoren me iniciale E. B., rreth 30 vjeçe, e cila është transportuar në spitalin e Sarandës për ndihmë mjeksore, jashtë rrezikut për jetën” – njofton policia.
Nuk dihen ende shkaqet që kanë çuar në këtë aksident.
Në vendngjarje ka shkuar policia për të bërë zbardhjen e plotë të aksidentit.
