Një objekt i çuditshëm u pa nga banorët në Florida të martën në mbrëmje, ku shumë prej tyre nuk hezituan ta fotografonin pamjen e pazakontë.
Në rrjetet sociale shumë persona besonin se ishin duke parë një UFO, prova se alienët kishin ardhur në Tokë, por Flota Detare amerikane i rrëzoi të gjitha këto pretendime. Ishte thjesht testimi i një rakete balistike, e cila ishte lëshuar nga një nëndetëse në Atlantik, jo shumë larg nga bregdeti i Floridës.
“Jo nuk është një UFO. Ishte testimi i një rakete Trident-II SLBM nga një nëndetëse në brigjet e Floridës. Fakti që raketa është parë nga njerëzit në Florida dhe në Bahamas tregon se ajo ka arritur një lartësi shumë të madhe”, tha Eric Wandernoot koordinator i laboratorit të astronomisë dhe fizikës në Universitetin e Floridës.
Raketa e testuar mund të arrijë një distancë prej më shumë se 4 mijë milje.
