Shou Chen, të cilin në shqip e quajnë Ylli, është një djalë me origjinë nga Kina. Prindërit e tij u vendosën në Shqipëri para 20-vitesh. Ai ka lindur në Tiranë, ka një pasaportë shqiptare dhe është shumë i lidhur me Shqipërinë dhe kryeqytetin.
23-vjeçari aktualisht punon si guide dhe çdo ditë shoqëron të huaj që vizitojnë vendin tonë duke i njohur ata me bukuritë dhe vlerat e Shqipërisë. I ftuar në emisionin “Shqipëria Live”, Shou tha se e ka nisur që 18 vjeç të praktikojë punën si guide dhe më pas është marrë me grupet e vizitorëve.
I riu tregon se ka lindur në Shqipëri dhe se ka të gjitha letrat shqiptare. “Nuk do doja të kisha një pasaportë kineze, do kisha më shumë kufizime. Me pasaportën shqiptare lëviz më lehtë ne Evropë, ai tre mujofshi”, tha Shou
I pyetur se kush ja vendosi emrin Ylli, ai tha që në maternitet i ka ngelë ky emër. “Në maternitet ma ka vendosur infermierja, ka thënë “o çfarë ylli” dhe më vendosën emrin “Ylli”. Në pasaportë e kam të shkruar “Shou”. Kam mësuar gjuhën shqipe në fillim dhe më pas gjuhën kineze, është paksa e vështirë”, tha i riu.
Ky i fundit tregoi se i pëlqen Shqipëria nga veriu në jug, pasi çdo vend ka karakteristikat e veta.
Më“Shumicën e Shqipërisë e kam vizituar. Nga jugu më pëlqen riviera, Vlora se ka marrë zhvillim kohët e fundit. Për pjesën kulturore Berat dhe Gjirokastër. Nga zona e veriut më pëlqen Thethi. Turistët ndihen më ngrohtë në Shqipëri. Moshat e mëdha e njohin Shqipërinë, të rinjtë më pak, e ngatërrojnë me Algjerinë për shkak të shqiptimit të tyre”, tha ai.
