Tre automjete janë djegur mesnatën e kaluar teksa ndodheshin të parkuara në garazhin e një pallati në ndërtim në Tiranë.
Gazetarja Dorjana Bezat raportoi për “BalkanWeb” se ngjarja ndodhi në zonën e Liqenit të Thatë pak pas mesnatës, ndërsa mjetet ishin të parkuara pranë njëra-tjetrës dhe fillimisht njëra prej tyre ka shpërthyer në flakë. Policia dhe ekspertët zjarrfikës po hetojnë për shkaqet e zjarrit.
