Vonesat në shpërndarjen e vaksinave antiCOVID kanë bërë që në Maqedoninë e Veriut të mos ketë filluar ende vaksinimi i grupeve të rrezikuara. Për këtë arsye qeveria ka bërë të ditur se ka filluar negociatat për të blerë vaksinën kineze e Sinopharm, kundër Covid-19.
Ministri i Shëndetësisë Venko Filipçe deklaroi se qeveria po shikon mundësinë për të blerë 200 000 doza të vaksinës kineze, sidomos pas vonesave të kompaninë Pfizer.
Maqedonia e Veriut ka nënshkruar një marrëveshje me kompaninë Pfizer për 800 mijë doza vaksinash dhe dozat e para pritet të dorëzohen në shkurt.
Për të përshpejtuar disi procesin vendi ka nënshkruar një marrëveshje edhe me Serbinë për 8 mijë doza vaksine të Pfizer, të cilat nuk janë dorëzuar ende.
Vaksina kineze CoronaVac nga Sinopharm, përdoret aktualisht në Kinë, Turqi dhe Serbi dhe është deklaruar se është 79 efektive, edhe pse institucionet shëndetsore ndërkombëtare nuk e kanë vlerësuar atë.
