Prej kohësh një mutacion i ri i koronavirusit ka dalë në qarkullim, duke shqetësuar jo pak zyrtarët e lartë të shteteve më të rëndësishme të botës dhe vetë qytetarët.
Përpost daljes së vaksinën anti-Covid, të gjithë janë të shqetësuar pasi ka variante të virusit që janë shumë agresivë, aq sa dhe vaksina nuk bën punë.
Përmes një lidhje Skype për Oranews, mjekja shqiptare në Britani Detina Zalli, gjatë fjalës së saj tha se koronavirusi deri më tani ka pësuar 23 ndryshime gjenetike dhe po bëhet më agresiv.
“Është e vërtetë që situata është e vështirë, goxha e vështirë. Varianti i ri i virusit i titulluar B.1.7, ka 23 ndryshime, apo ndryshe mutacione gjenetike, shumë prej këtyre ndodhen në zonën virusit që ruajnë një rol të rëndësishëm se si virusi hyn në qelizat njerëzore. Në Angli 60 % të rasteve, janë dominant duke i mundur të gjithë variantet e tjera.
Normalisht është një gjë shqetësuese. Mutacionet e virusit ndodhin shpesh sepse janë pjesë të jetës së virusit. Duke qenë se virusi gjatë gjithë kohës replikohet mund të pësojë ndryshime gjenetike. Rëndësi ka që këto ndryshime të mos ndodhin tek proteinat kyçe të virusit, që luajnë një rol të rëndësishëm tek proteinat, çka do të çonte në mutacionin e virusit në një shkallë më të madhe”, theksoi Zalli.
