Ditën e djeshme Brazili i cili është një ndër vendet më të prekura nga pandemia, ka miratuar përdorimin e vaksinës anti-COVID kineze Sinovac dhe atë britanike, AtraZeneca.
Ndërkohë ditën e sotme ka nisur vaksinimin i qytetarëve dhe njeriu i cili mori dozën e parë të saj ishte infermierja 54-vjeçare Monica Calazans.
Sipas ministrit të shëndetësisë Eduarto Pazuello vaksinimi do të nis masivisht ditët në vijmë dhe do të shpërndahet në 27 vendet.
Brazili aktualisht ka 6 milionë doza të vaksinës kineze Sinovac dhe po pret ardhjen e 2 milionë dozave të tjera të AstraZeneca.
Numri total i infektimeve nga koronavirusi ka shkuar 8.488.099, ndërkohë që numri i viktimave është 209.868 në të gjithë vendin që nga fillimi i pandemisë.
Pavarësisht se Brazili është vendi i tretë më i prekur në botë nga COVID-19, vaksinimi ka ardhur relativisht vonë në krahasim me vendet e tjera, megjithatë duke sikur kjo do të jetë “drita jeshile” për sa i përket minimizimit të infektimeve dhe viktimave.
