Dita e enjte është kthyer në traditë tashmë ku të gjitha emisionet televizive gumëzhojnë nga debatet politike, shpesh të enjteve shfaqen edhe krerët e politikës në vend.
Këtë të enjte, kryeministri Edi Rama dhe kryetari i PD-së Lulzim Basha “janë përplasur” me kohën e emisioneve njëri te “Open” dhe tjetri te “Opinion”.
Kjo nuk është hera e parë në fakt, që Rama dhe Basha shfaqen në të njëjtën kohë, madje ka patur nga ato të enjte të ngarkuara ku jo vetëm ata, por edhe Ilir Meta e Monika Kryemadhi janë shfaqur njëkohësisht në emisione të ndryshme.
Kjo ka nxitur edhe një lloj gare, se kush ka shikueshmërinë më të madhe. Kë zgjedhin të ndjekin shqiptarët?
Ndonëse matja është e vështirë, për shkak të transmetimit në mediume të ndryshme, mes Bashës dhe Ramës, mbrëmjen e sotme të paktën në Facebook, po dominon Rama, të cilin aktualisht e ndjekin rreth 5.6 mijë shqiptarë krahasuar me Bashën që ka 3.7 mijë shikues.
Edi Rama:
Lulzim Basha:
