232 përfaqësues të Dhomës së Kongresit votuan pro fajësimit të presidentit Donald Trump. Mes tyre ishin dhe 10 përfaqësues republikan që votuan pro nismës për shkarkimin e presidentit të tyre që e zgjodhën katër vite më parë.
197 republikanët e tjerë votuan kundër nismës së demokratëve, ndërsa 4 brenda këtij grupimi nuk votuan. Çarja është e madhe mes republikanëve, të cilët duhet të marrin veten pas kësaj tronditje të madhe.
Fillimish u raportua për 6 republikanë që do të dilnin nga rreshti dhe do të votonin për fajësimin e Trump, por numri i tyre u rrit në ditën e votimit. Republikanët e zgjedhur nga shtetet si Michigan, Ohio, California, New York, Washington apo Illinois dënuan aktet e ndodhura në 6 janar, por duke fajësuar dhe presidentin e zgjedhur nga partia e tyre për thirrjet e lëshuara.
Republikani Adam Kinzinger tha se ai është “në paqe totale” me votën e tij edhe nëse kjo i kushton karrigen e tij në Dhomën e Përfaqësuesve.
Rep. Tom Rice ishte më konservatori nga anëtarët që mbështetën përpjekjen për ndëshkimin e Presidentit.
Ai tha se një person i arsyeshëm do të shihte qëndrimet e Trump ndaj një turme para se turma të sulmonte Kapitolin si një potencial për të çuar drejt dhunës. Ai shtoi se e kishte mbështetur shumë Trump, madje e ka votuar dy herë si president, duke shtuar se fjalimi i tij para turmës nuk mund të ishte si nxitje dhune, por çdo person i arsyeshëm mund ta shihte si potencial të dhunës.
Republikanët që votuan për fajësimin e Trump
Adam Kinzinger -Illinois
Liz Cheney – Wyoming
John Katko – New York
Fred Upton – Michigan
Jaime Herrera Beutler -Washington
Dan Newhouse – Washington
Peter Meijer – Michigan
Anthony Gonzalez – Ohio
Tom Rice – South Carolina
David Valadao -California
