Anglia ka konfirmuar një numër të lartë vdekjesh nga Covid-19 në 24 orët e fundit.
Sipas autoritetit shëndetësor në vend, 1.243 persona humbën jetën pas komplikacioneve që i shkaktoi virusi. Ndërkohë, mbyllja duket se ka dhënë efektin e duhur në popullatë, pavarësisht se numri mbetet tepër i lartë.
45.533 raste të reja janë shënuar në 24 orët e fundit, gjithsesi trendi i tyre është në ulje prej 3 ditësh. Kjo situata ka rritur frikën në vend që kryeministri Boris Johnson mund të forcojë edhe më tej kufizimet e bllokimit.
Qeveria tani po përballet me mundësinë që të duhet të shtrëngojë akoma më tej bllokimin e Anglisë për të ndaluar përhapjen e variantit të ri super-infektiv.
Qeveria ka kërkuar shumë që njerëzit të kufizojnë kontaktet e tyre dhe të qëndrojnë në shtëpi ndërsa shërbimi shëndetësor lufton për të përballuar fluksin e pacientëve me Covid dhe policia rrit zbatimin e kufizimeve brutale.
