‘Njeri optimist i cili ‘vrapoi’ shpejt si artist’, kështu e ka përfikuzuar kantauri Voltan Prodani, të afërmin e tij, këngëtarin e njohur Kujtim Prodani, i cili ndërroi jetë pak ditë më parë, në moshën 57-vjecare si pasojë e Covid-19.
Në një lidhje të drejtpërdrejt me News24, ende i prekur për humbjen e të afërmit të tij, ai rrëfeu bisedën e fundit me Kujtim Prodanin nga shtrati i spitalit ‘Shefqet Ndroqi’ ku ndodhej i shtruar.
Çfarë ndodhi pas 30 dhjetorit?
Në foton e publikuar prej tij, më 30 dhjetor, nga ai publikim që duket stabël e kishte një lloj optimizmi.
E mora me shumë optimizëm atë postim. Më tej kam pas komunikime normale në distancë. Ishte një moment shumë tronditës. Ishte pozitive shumë ajo c’ka bëtë ju television në atë moment. E ndatë në hapësire direkte, më pëlqyen shumë fjalët e miqve, epitetet e zgjedhura për Kujtimin, u ndjeva mirë se ishte një pjesëmarrje e njerëzve të afërt, e njerëzve që e donin shumë.
Ai ishte besimplotë, se do ta kalonin të gjithë këtë situatë, do ia dilte mbanë..
Është shumë e vërtetë që e ka pohuar edhe vetë ishte optimist, dhe dal pak edhe te kënga, që ironizon koronavirusin. Ishte optimist edhe në një intervistë të dhënë në mediat. Unë e shihja me 10 albume të tjera në vazhdimësi, bënte gjithcka me shumë dashuri për jetën, shumë entuziast. Mund ta shihja ndër vite me shumë prodhimtari me nivele të larta.
Foto në facebook, ishte prekëse por shumë optimiste. Unë nxora një foto më pas, ai ka qenë momenti i komunikimit kur po i shkruaja në ëhatsapp. Në komunikimet tona ishte shumë pozitiv, edhe për Vit të Ri i urova të na bashkohet sa më shpejt. Në përgjigje të këtij komunikimi më dërgoi një foto me një përshëndetje me dorë, ishte sërish shumë optimist. Ka qenë një lloj komunikimi që thoshte se është shumë mirë, më pas dicka nuk funksionoi si duhet,
Minuta përpara ndërrimit të jetës, ishte mjaft optimist, edhe me miqtë edhe me Ardianin. Të gjithë e dinin që do lëvizte drejt Turqisë, se pati një përkeqësim. Pata një ndryshim total në dy-tre ditët e fundit. Nuk arriti të shkonte në Turqi, gjithcka ndodhi para se të merrej vendimi.
Kush ishte për ju Kujtim Prodani?
Ishte më shumë se vëlla një dashuri e madhe, përvec lidhjes shumë të afërt familjare. Mes nesh ka qenë një ambjent me shumë dashuri e harmoni mes nesh, një lidhje e pandashme në cdo periudhë të jetës. Edhe profili i artit na bashkon shumë.
Kur keni komunikuar për herë të fundit?
I fundit prej tij, është ajo dita kur ishte ende optimist, i dedikoja një fjali që nuk do e harroj kurrë, ishte si një përshendetje që unë jam mirë. Më pas i nisa një mesazh tjetër. Ndjeva dicka një natë më parë lajmit të hidhur. Dicka parandjeva edhe pse s’doja ta thoja kurrë, pata një ndjesi. Lexoja mesazhe të familjarëve që nuk janë në Shqipëri, më shkruanin për gjendjen e tij, po ashtu edhe në facebook-un e tij, dhe m’u duk si një shenjë jo e mirë. Parandjeva se ka dicka që nuk shkon. Është një humbje e pazëvendësueshme. Vrapoi shpejt si artist, ka qenë me një shpejtësi të madhe, model që duhet marr shembull. Edhe koncertin e fundit, që u bë edhe fatal në një farë mënyrë. Ditët e fundit para se të shtrohej ka qenë duke mbyllur koncertin pa spektatorë. E kam ndjekur një natë para në TVSH, edhe dicka parandjeva.
