Aksident në Rrugën e Kombit në segmentin Kukës-Morinë, makina Fuoristradë X5 BMV për shkak të lagështirës nga reshjet e dendura të shiut ka dalë nga rruga në anën e djathtë dhe ka hypur mbi 20 metra në trasenë e rrugës.
Në makinë po udhëtonin tre presona që po shkonin drejt Kosovës. Fatmirësisht të tre personat nuk kanë pësuar lëndime por makina ka pësuar dëme të konsiderueshme materiale.
Vendi ku ndodhi aksidenti përshkruhet nga një kthesë e fortë 180 grade ku nuk kanë munguar aksidentet e mëparshme me vdekje.
Dyshimet e para janë shpejtësia dhe prezenca e lagështirës në rrugë. Kukësi vazhdon të jetë nën prezencën e reshjeve intesive të shiut duke krijuar edhe probleme në disa akse ku ka reshqitje dherash dhe gurësh.
Për disa minuta rruga u bllokua në njërin krah të Rrugës së Kombit pasi po transportohet me karrotrec mjeti i dëmtuar.
