Mjeku i Infektivit Pëllumb Pipero ka rrëfyer në emisionin “Opinion” për momentet e vështira në spital gjatë këtyre muajve të vështirë për shkak të pandemisë.
Ai u shpreh se momenti më i vështirë ishte kur është pyetur në studio nëse COVID-i kishte hyrë në Shqipër dhe u përgjigj me “po”, ndërsa momente të vështira kanë qenë edhe humbja e jetës nga pacientët apo kolegët.
Për sa i përket frikës nga pandemia, ai tha se frikë ka patur në momentet e para kur Infektivi u gdhi me dy pacientë të infektuar, ndërsa shtoi se mendon që në janar do të ketë rritje të rasteve.
Mjeku u shpreh se do ta bëjë vaksinën i pari dhe “live” në një emision, ndërsa shtoi se pret që fundi i pandemisë në vendin tonë të jetë në muajin mars.
“Momenti më i vështirë ka qenë kur më ka pyetur Fevziu në studio nëse ka hyrë COVID-i në
Shqipëri apo jo dhe unë i kam thënë që ka hyrë. Moment i vështirë është humbja e jetës së një pacienti apo edhe më shumë i humbjes së jetës së një kolegu.
Frika është njerëzore. Natyrisht që momentet e para edhe kemi patur frikë sidomos kur Infektivi u gdhi me 2 pacientë të shtruar në spital. Ka qenë një moment frike përballja me të panjohurën.
Besoj fort që edhe gjysma e dytë e janarit do të ketë rritje të numrit të rasteve, por marsi apo fundi i marsit do të shënojë fundin e pandemisë në vendin tonë.
Vaksinën do ta bëj i pari fare ndoshta, në një studio televizive të besueshme”, tha Pipero
