Kryeministri Edi Rama njofton se qeveria shqiptare ka rënë dakort në parim me kompaninë Pfizer, për sigurimin e vaksinës kundër koronavirusit.
Në një postim në Twitter, Rama thotë se vaksinimi do të nisë në muajin Janar, ndërsa nuk kursen as krititat për Bashkimin Europian, duke thënë se është i papranueshëm diferencimi që i bëri Ballkanit Perëndimor për vaksinën anti-Covid.
“Në kushtet skajshmërisht të vështira si pasojë e kërkesës globale marramendëse dhe sasisë ende tejet të vogël të prodhimit, kemi dakordësuar në parim pas kontaktesh intensive nga të katër anët, tekstin e marrëveshjes me Pfizer për të nisur vaksinimin në janar!
I papranueshëm moralisht, polikisht, logjikisht diferencimi që BE-ja i bëri Ballkanit po ia dolëm sidoqoftë me diplomaci e me këmbëngulje të mos mbetemi mbrapa askujt. Dhe nuk do të ndalemi deri në sigurimin e dozës së fundit. Fjalët mbrapsht atyre që vazhduan me sharje e akuza”, shkruan Rama.
