Burrë e grua kanë humbur jetën mëngjesin e sotëm në Fier, pasi mjeti me të cilin ata udhëtonin ka dalë nga rruga dhe ka përfunduar në një kanal me uji.
Siç shihet nga foto, mjeti tip “Toyota Corolla” ka dalë nga rruga në vendin e quajtur “Kthesa e Qarrit” dhe si pasojë ka përfunduar në një kanal me ujë. Fatkeqësisht burrë e grua, ende të paidentifikuar, kanë mbetur të bllokuar në mjet dhe si pasojë kanë humbur jetën.
Informacion paraprak
Sot rreth orës 07:20, në vendin e quajtur “Kthesa e Qarrit”, automjeti tip “Toyota” ka rënë në kanalin me ujë anës rrugës. Si pasojë kanë ndërruar jetë dy shtetas (një mashkull dhe një femër) ende të paidentifikuar.
Shërbimet e Policisë, shërbimet zjarrfikëse dhe urgjenca mjekësore ndodhen në vendngjarje dhe po punojnë për nxjerrjen e automjetit nga uji. Po kontrollohet vendi i ngjarjes nëse ka pasur persona të tjerë në automjet.
