Ka qenë një javë “pozitive” kjo që kaluam për sa i përket shifrave të koronavirusit, pasi sipas raportimeve të ministrisë s ëshëndetësisë, ka patur më shumë të shëruar se sa infektime të reja.
3251 është shifra e të infektuarve në 7 ditët e fundit, ndërkohë që 3444 është numri i personave që ia kanë dalë të fitojnë betejën me koronavirusin.
Fatkeqësisht 65 persona humbën jetën, ndërsa ulje ka patur edhe numri i pacientëve të shtruar në spital, pasi java nisi me 379 pacientë dhe u mbyll me 316.
Dita e premte kishte më shumë raste të reja, pasi 553 persona rezultuan pozitivë në testin e COVID, ndërsa e shtuna ishte dita me më pak të infektuar, 375 raste të reja.
E marta ishte edhe dita me më shumë viktima, pasi 13 persona humbën jetën, ndërsa më pak të vdekur u raportuan të mërkurën, ku 6 persona nuk ia dolën të fitojnë betejën me koronavirusin.
