Policia spanjolle ka arrestuar 6 persona, mes tyre 5 shqiptarë të përfshirë në trafikimin e lëndëve narkotike.
Organizata kriminale me qendër në Malaga dhe Granada, ishte e dedikuar për mbledhjen e sasive të mëdha të hashashit dhe marihuanës, të cilat ata i dërgonin Italisë me kamionë me dy funde.
Në pranga kanë rënë 5 shqiptarë dhe një spanjoll, të cilët akuzohen për trafikun e drogës, armëmbajtje pa leje, etj. Po ashtu, janë kryer tre kërkime, dy në shtëpi dhe një në një depo industriale dhe janë kapur 165 kilogramë marijuanë, 185 kilogramë hashash, dy pistoleta gjysmëautomatike, një automjet i nivelit të lartë i vjedhur dhe me targa të përkulura, një kamion dhe një rimorkio me frigorifer, një furgon dhe tre vetura të pasagjerëve.
Katër nga të arrestuarit u kapën në flagrancë në magazinën nën hetim, shkruajnë mediat spanjolle.
Më vonë, u arrestuan dy persona të tjerë, të cilët do të ishin në krye të ruajtjes së “çerdheve” të Granadës dhe Colmenar. Në këtë magazinë u gjet një sasi droge, një makinë të vjedhur me një targë të dyfishtë, dy pistoleta gjysmë automatike me municion dhe 5,350 euro.
