Mjeku Genc Sulçebe ka folur në lidhje me mutacionin e ri të koronavirusit, ku ka pranuar se ky version është 2 herë më infektues se ai i pari.
Ai ka thënë se ende nuk dihet nëse ky mutacion do të ndikojë te vaksina, ndërsa shtoi se vaksinimi do të vazhdojë me muaj dhe duhet pritur se si do të reagojë sistemi imunitar.
“Është dy herë më i ngjitshëm se tjetri. Ky është thjesht një prej mutacioneve që ka pësuar Covid-19. Gjithsesi, po zhvillohen studime dhe po hetohet në lidhje me rrezikshmërinë që ka ky lloj Covid-19. Nuk dimë të themi nëse është më i lehtë apo më i rëndë. Të paktën deri tani. Vaksinimi do të vazhdojë me muaj dhe që të shohim ndikimin e këtij mutacioni tek vakksina, duhet të kalojë pak kohë, që të shohim se si reagon një sistem imunitar,”- tha mjeku.
