Edhe Zvicra ka vendosur që të miratojë përdorimin e vaksinës kundër Covid-19. Bëhet e ditur se autoritetet zvicerane kanë miratuar përdorimin e vaksinës të prodhuar nga shkencëtarët e kompanive amerikano-gjermane Pfizer dhe BioNTech.
Sipas mediave vendase, agjencia kompetente qeveritare zvicerane “Swissmeid” njoftoi se ka dhënë një leje përdorimi për vaksinën anti-Covid.
Nga ana tjetër, ende nuk është bërë e ditur se kur do të nisë vaksinimi tek popullata. Kujtojmë se vaksina e kompanive Pfizer dhe BioNTech është miratuar nga Britania e Madhe, Kanadaja dhe SHBA-të, të cilat kanë nisur vaksinimin në popullatë.
