Edi Rama ishte i pranishëm sot në disa familje në Shijak ku u dorëzoi çelësat e shtëpive të reja që janë ndërtuar. “Zoti t’i plotësoftë të gjitha” ishte urata e një të moshuare për kreun e qeverisë.
Si në cdo moment, Rama nuk i kurseu batutat, ironinë dhe “thumbat” për Partinë Demokratike. Një nga kryefamiljarët i kërkoi që të merrte një karamele për ta uruar. “O kryeministër hajde merr një karamele”, ndërsa Rama i tha se sot kishte qenë në disa shtëpi dhe ishin bërë shumë.
Ndërsa në momentin që doli jashtë shtëpisë i kërkoi kryefamiljarit që djali të mos rrinte kot si demokratët, por të punonte bahçen. “Ta gëzoni të kesh djalin dhe familjen me shëndet dhe bëj një cikë stërvitje, je bërë si ato demokratët që rrinë kot”. “Populli i ka sytë hapur, nuk janë populli këta që bëjnë zhurmë dhe rrëmujë” tha më tej Rama në një tjetër familje.
