U komentua jo pak një foto e kryeministrit Edi Rama, duke bërë Pazar në Nju Jork, ku kishte shkuar për t’u futur në bisedime për të siguruar vaksinë e Pfizer kundër COVID.
Ndërkohë, ditën sotme, në një konferencë online me gazetarët, Rama tha se nuk ishte në një dyqan Guçi, por në një kancelari, në një dyqan bojërash.
Ai shtoi se sa herë del jashtë vendit, blen kryesisht bojëra.
“Shkova tre ditë para dhe përherë blej çdo gjë, bojëra dhe gjëra të tjera. Me mirëkuptimin e tyre nuk kemi qenë të burgosur në hotel, pro nuk më keni parë mua as te Gucci as te Çuçi, më kanë bërë fotografi në një dyqan bojrash kancelarie. Edhe po të më kishin kapur në një dyqan tjetër nuk është ndonjë krim. Por që ta dini, un kur shkoj jashtë, blej bojëra”, tha Rama.
