Ky është momenti kur protestuesit i kanë flakën dyqaneve të 5 majit të cilat janë denocnuar dhe më herët në Report Tv nga vetë pronarët.
Kjo godinë mëngjesin e të dielës është konstatuar me xhama të thyer dhe ambiente të djegura. Ambientet e saj janë marrë me qira tek biznesi privat për aktivitete të ndryshme tregtare. Astrit Marku, pronari i dyqanit të djegur, tregon në Report Tv se çfarë ka ndodhur.
Përpos sulmit ndaj institucioneve dhe pronës publike, protestuesit nuk kanë kursyer as biznesin privat. Video të dhunës dhe shkatërrimit të godinave i ka publikuar më herët dhe këngëtari Stresi i cili është në arrati pasi u shpall në kërkim sepse mori pjesë në protestën e parë që u zhvillua në Tiranë për vrasjene klodjan Rashës.
Në video që ai ka publikuar ka qenë i përqendruar në selinë e PS-së te 5 Maji në Tiranë, duke publikuar një foto që duket një objekt në flakë.
Prej 5 ditësh Tiranë dhe disa qytete të tjera në vend janë përfshirë në protesta të dhunshme gjatë të cilave në fokus ka qenë dhuna, shkatërrimi e vendosja e flakës ndaj disa objekteve. Një ditë më parë në Shkodër, disa të rinj shkatërruan dhe i vunë flakën objekteve të selisë së PS atje, veprim që u cilësua nga qeveria si e nxitur nga opozitadhe përkatësisht nga kryetarja e Bashkisë Shkodër, Voltana Ademi, e cila ishte pjesë e protestës para se të niste dhuna.
