Gjatë këtyre tre ditëve, protestuesit e dhunshëm kanë shkatërruar që nga semaforët, stacionet e autobusëve, shtyllat e ndriçimit dhe stolat që përdoren kryesisht nga të moshuarit dhe prindërit me fëmijë të vegjël.
Skena të denja për një film triller. Ndërsa më pas, skenën e marrin edhe ‘ata që i shërbejnë qytetit’.
Janë pikërisht, punonjësit e bashkisë që pasi “shuhet” protesta, dalin në terren për të larguar papastërtitë.
Një falenderim për ta ka mbërritur edhe nga kryetari i Bashkisë së Tiranës, Erion Veliaj.
“Faleminderit shërbëtorëve të qytetit”, shkruan Veliaj.
