Sot pritet të jepet masa e sigurisë për Deni Dokun, shoferen 19 vjeçare që po drejtonte automjetin tip “Smart” kur ndodhi aksidenti tragjik dhe ndërroi jetë Alida Spahiu, 22 vjeçe.
Prindërit e viktimës kanë dhënë deklaratë në Gjykatë duke kërkuar që 19-vjeçarja të mos ndiqet penalisht për shkak të marrëdhënieve familjare.
“Marrëdhëniet tona me familjen Doku janë të sqaruara. Ne kemi marrëdhënie familjare pasi Alida ishte e fejuara e vëllait të Denisës”, thonë prindërit.
Ndërkohë avokati i saj ka kërkuar masë të lehtë sigurie. “Vajza është studente dhe t’i jepet mundësia të vazhdojë shkollën. Duhet të ndalohet edhe drejtuesi i Benzit derisa të dalë ekspertiza. Aksidenti ka ndodhur në momentin që Smart-i do të merrte kthesën. Drejtuesja e mjetit nuk ka qenë e alkoolizuar, as me shpejtësi”, sqaroi avokati.
