Një gjyshe 101-vjeçare italiane ka mposhtur koronavirusin për herë të tretë. Maria Orsingher rezultoi pozitive fillimisht në valën e parë të pandemisë në muajin mars, por e mposhti virusin pas shtrimit në spitalin Morelli në Sondalo, pa komplikacione të rënda.
Rasti i dytë u regjistrua në shtator, kur ajo së bashku me një anëtar tjetër të Shtëpisë së të Moshuarve rezultuan pozitivë.
Sërish, 101-vjeçarja e mundi koronavirusin pa ndonjë problem. Pas 5 tamponësh negativë, ajo u kthye në Shtëpinë e të Moshuarve.
Mirëpo, nuk u mbyll më kaq. Këtë muaj gjyshe Maria doli sërish pozitive, por gjendja e saj ishte e mirë.
“Mund të jetë një pozitivitet i rremë. Nuk ka asnjë tjetër të infektuar në Shtëpinë e të Moshuarve, Maria është i vetmi rast pozitiv”, sqaroi stafi mjekësor.
