Krishtlindjet dhe Viti i Ri, për pjesën më të madhe të shqiptarëve do të thonë një mbledhje me familjen dhe të afërmit, ku nuk kanë se si të mundojnë gjyshërit.
Por, cilat janë rregullat rreth takimit me të afërmit gjatë Krishtlindjeve?
Mjekët sugjerojnë “të mendoni me kujdes”, kur bëhet fjalë për të vizituar familjen dhe miqtë, veçanërisht më të prekshmit ndaj Covid-19.
Disa vende po vendosin kufizime për numrin e njerëzve që mund të mblidhen në të tilla festa. Mbretëria e Bashkuar lejon deri në 3 familje për t’u takuar së bashku, por, sidoqoftë, është e rëndësishme marrja e masave dhe kujdesi i veçantë nëse anëtarë të familjes janë më të ekspozuar ndaj infektimit me koronavirus.
A është e sigurt të vizitoni gjyshërit gjatë kësaj kohe?
Në një konferencë shtypi në Londër, zyrtari mjekësor, profesor Chris Whitty, u bëri thirrje njerëzve të shmangin kontaktet fizike me gjyshërit ose të afërmit e tjerë të moshuar.
Për Sky News, ai tha:
“A do ta inkurajoja dikë të shkonte të përqafonte dhe të puthte të afërmit e moshuar? Jo, nuk do ta bëja! Nuk është në kundërshtim me ndonjë ligj, por do ishte e pakuptimtë të rrezikonit jetën e dikujt tjetër, sepse ju mund të mbartni virusin dhe mos ta dini.”
Po në rastet kur gjyshërit jetojnë në shtëpi kujdesi?
Në të tilla raste, vende si Mbretëria e Bashkuar, sugjerojnë që vizitat “të konsiderohen vetëm për banorët e shtëpive të kujdesit, që janë në moshë pune”.
Sidoqoftë, nëse një banor i një shtëpie kujdesi apo edhe gjyshërit që thjesht nuk jetojnë me ju, vendosin t’ju bashkohen: Ata duhet të mbajnë distancën e duhur, të lajnë duart rregullisht dhe të lënë shumë ajër të pastër në dhoma duke hapur dritare dhe dyer.
Banorët e shtëpive të kujdesit nuk sugjerohet të “formojnë një flluskë Krishtlindjesh me 3 ose më shumë familje, në asnjë moment”.
