Nuk kanë të ndalur tensionet në det ndërmjet anijeve luftararake ruse dhe amerikane. Pas incidentit në Detin Balltik pak ditë më parë, një i tillë është përsëritur edhe në Azinë e Largët, përkatësisht në Gjirin e Pjetrit të Madh në Detin e Japonisë.
Siç bën të ditur ministria e Jashtme e Rusisë, “Anija e madhe anti-nëndetëse e Flotës së Paqësorit ‘Admirali Vinogradov’ ndaloi destrojerin e Marinës Amerikane ‘John McCain’, i cili po shkelte kufirin rus në Gjirin e Pjetrit të Madh”.
Anija ruse po ndiqte destrojerin amerikan, të cilin e ka paralajmëruar përmes një kanali ndërkombëtar të komunikimit, duke e paralajmëruar se do ta godasë.
Tensioni ka zgjaur një kohë jo të shkurtër por më pas situata është zgjidhur paqësisht.
Siç bën të ditur ministria ruse e Mbrojtjes, anija amerikane ishte të paktën dy kilometra përtej kufirit. Pasi u dha paralajmërimi, USS John McCain u kthye në ujërat neutrale. Pas incidentit, marina ruse dërgoi korvetën Sovershenny në zonë./Gazeta Shqip
