Këshilltari i koronavirusit i Joe Biden, ka paralajmëruar se sistemi shëndetësor do të bjerë dhe pacientët të infektuar me koronavirus, mund të vdesin në sallat e pritjes, nëse rastet vazhdojnë të rriten me të njëjtat ritme në javët në vijim.
Sipas parashikimeve, rreth 70 mijë njerëz mund të humbin jetën deri më 20 janar, kur do të inaugurohet qeveria e re e Biden.
Ky i fundit është zotuar se kontrollimi i përhapjes së koronavriusit, do të jetë përparësia kryesore e qeverisë, por Presidenti në detyrë, Donald Trump, nuk pranon rezultatin e zgjedhjeve dhe për pasojë nuk lejon marrjen e informacioneve për ekipin e Biden.
Sipas Reuters, deri më 20 janar, numri i infeksioneve pritet të rritet me 80%, ndërsa ai i fataliteteve me 29%.
“Frika ime më e keqe është se vendi mund të shkojë drejt pamjeve të frikshme që kemi parë në vendet e tjera, ku njerëzit vdisnin në rrugë”, tha Këshilltari i koronavirusit i Biden, Michael Osterholm.
Sipas tij, mënyra e vetme për ta shmangur këtë skenar, është largimi i administratës së Trump
