Autori i dyshuar, Fatmir Hoxhaj i cili qëlloi për vdekje shtetasin Ahmet Toska më 26 tetor është po nga lagjja “Sheq i Madh” në Fier dhe distanca nga shtëpitë e tyre është rreth 3 kilometra.
Vëllai i viktimës, Engjëll Toska shprehet jashtë kameras se nuk e njeh as gruaja e viktimës autorin.
Në momentin kur është qëlluar autori ka qënë i veshur sportiv me kapuç dhe me maskë Covidi.
Autori ka ardhur nga mbrapa dhe e ka qëlluar dy herë dhe është larguar pa thënë ndonjë fjalë. Ai ka shtuar se nuk kanë probleme me asnjë, as hasmëri, as punë pronësie.
Mësohet se banesa e autorit ishte e braktisur, e pa pastruar dhe dera e mbyllur. Jetonte prej vitesh në Itali bashkë me familjen. Në lagje pak e njohin mirë, por e përshkruajnë si njeri të qetë.
